Халықты болуы мүмкін табиғи төтенше жағдайлардан, атап айтқанда, жер сілкінісінен қорғау мәселесінің маңыздылығын ескере отырып, мектептің 1-9 сынып оқушыларына сейсмикалық дайындық, жер сілкінісі кезінде өзін-өзі ұстау ережелері бойынша нұсқаулықтар берілді. 

«Біз зорлық-зомбылыққа қарсымыз» атты ұлдар жиналысы

Мақсаты: Оқушыларға зорлық зомбылық туралы мағлұмат беру, адамның ең жаман қасиеті екенін айту. Адамның ең басты құндылығы оның бостандығы, олай болса оқушыларға адамзаттық құқықтарымен бас бостандықтарын қорғауы туралы үйрету.  Зорлық –зомбылық адам ағзасына тікелей әсер ететінін түсіндіру.
    Жаман әдеттерден бойларын аулақ ұстап, ондай әрекеттерге бармауға тәрбиелеу, адамгершілігі мол саналы азамат болып өсуіне ықпал жасау.

«Ағалар ерлігіне тағзым!»

Башкөл орта мектебінде Кеңес  әскерлерінің Ауғаныстан жерінен шығарылғанына 31 жыл толуына орай және Ауған соғысына қатысқан ардагерлерді еске алып, жас жеткіншектердің бойында Отанға деген сүйіспеншілік қалыптастыру және  патриоттық рухта тәрбие беру мақсатында ауған соғысының ардагерімен кездесу кеші ұйымдастырылды.

   Кешке Башкөл орта мектебінің түлегі Мустафин Мұхтархан Қабдылқарапұлы қатысты. Башкуль ауылынан Шамсутдинов Ринат Рифхатұлы мен Шамсутдинов Руслан Рифхатұлы да ауған соғысына қатысып, өзінің Отан алдындағы борышын үлкен абыроймен орындап келді. Іс – шара барысында ауған соғысы туралы жалпы ақпарат беріліп, бейнеролик көрсетілді. Ауған ардагері оқушыларға өз тілегін білдірді.

 Кездесуде «Жас Сарбаз» балалар ұйымы оқушыларына куәліктер тапсырылды. Отанымыздың болашағы жас жеткіншектерге үлкен үміт артып, өз Отандарын  қорғауға әрқашан дайын болу керек екендіктері  түсіндірілді. 

Башкөл орта мектебі бойынша Республикалық 

«Жас Ұлан» бірыңғай балалар мен 

жасөспірімдер ұйымы

жұмысы туралы ақпарат

Башкөл орта мектебінде  Республикалық  бірыңғай «Жас Ұлан» балалар мен жасөспірімдер ұйымына озат оқушылар қабылданды. 

2 – 4 сыныптан 13 озат оқушы «Жас қыран» ұйымына, 5-10 сыныптан 9 озат оқушы «Жас Ұлан» ұйымына қабылданды. 

Республикалық  бірыңғай «Жас Ұлан» балалар мен жасөспірімдер ұйымының мақсаты: өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру.

Республикалық  бірыңғай «Жас Ұлан» балалар мен жасөспірімдер ұйымы   Елбасы Н.Ә.Назарбаевтың бастамасы бойынша құрылған Қазақстан Республикасы балалар мен жасөспірімдердің қоғамдық ұйымы болып табылады.

 «Жас Ұлан» - өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым.

 «Жас Ұлан» өзінің қызметін шығармашылық, спорттық, қоғамдық, үкіметтік емес ұйымдармен және мемлекеттік мекемелермен бірлесе жүзеге асырады. 

 «Жас Ұлан» өз қызметінде Қазақстан Республикасының Конституциясы, заңнамасы және басқа да нормативтік құқықтық актілерін, Қазақстан Республикасында ратификацияланған халықаралық актілерді басшылыққа алады.

«Жас Ұлан» ұйымына мүше болып қабылданған оқушылар оқуда, қоғамдық жұмыстарда, еңбекте үлгілі болуға; қоғамдық мүлікті сақтау, мәдениетті болуға; салауатты өмір салтын ұстануға, оны өз құрдастары арасында насихаттауға және үлкенге құрмет, кішіге ізет көрсетуге ант берді. «Жас Ұлан» ұйымына сонымен қатар «Жас Ұланға» өз үлесін қосуға және оның мүшесі болуға оқуға ынталанатын және әр түрлі сайыс жеңімпаздары, ерікті түрде ниет білдіретін  балалар мен жасөспірімдер алдағы уақытта  қабылданады.

«Жас Ұлан» ұйымының отырысы өткізіліп, әр оқушыға жауапкершілік тапсырмалар берілді.

Тәртіпке бағынайық жасыңан

Башкөл орта мектебінде, ақпан айының 14 жұлдызында  құқық бұзушылық пен қылмысты алдын алу мақсатында «Тәртіпке бағын жасыңан» атты 1-4 сынып оқушылар арасында  ұлдар жины өтті. Бұл аталмыш жиынға  сынып жетекшілер А.А.Конырова, Ж.А.Токсанаева, Г.Н.Мулдагусманова, А.М.Жуманалина, жастар жетекшісі Л.Р.Хамитова, тәрбиеі ісінің меңгерушісі А.Т.Сапарова, мектеп психологы А.Е.Кокамбекова және 10 сынып оқушылары А.И.Асылбеков, Б.Д.Жасұланов қатысты.

           Қазіргі қоғамның алдында тұрған басты міндеттердің бірі- балалар мен жасөспірімдер арасындағы құқық бұзушылықтың алдын-алу кәмелетке толмағандар арасындағы қылмыстың өсуіне жол бермеу. Аталмыш жиында оқушыларға қоғамда, мектепте т.с.с. басқада жерлерде өздерін қалай ұстау керектігі, қоғамдағы келеңсіз жайттардан сақтану  жайында тәрбие ісі жөніндегі орынбасары А.Т.Сапарова сөз қозғап, «қиын бала қайдан шығады?» тақырыбында слайд шоу көрсетті. Сонымен қатар мектеп психологы А.Е.Кокамбекова әлімжеттікті  болдырмаудың мақсатында түсіндірмелі жұмыстар жүргізіп, оқушыларға ситуациялық сұрақтар қойылып, оқушылардың ойлары ортаға салынып, талқыланды. Жиналыстың ортасында «Қар лақтыру» атты тренинг өткізілді. Жиынның соңында кері байланыс ретінде  оқушылар сабақтан алған  әсерлерімен бөлісіп, жақсы көңіл-күймен тарқасты.

«Башкөл орта мектебі» КММ «Абай әлемі» онкүндігі аясында өткен 

іс шаралар бойынша ақпарат

Башкөл орта мектебінде 2020 жылдың ақпан айының 3-14 аралығында «Абай әлемі» атты онкүндігі ұйымдастырылды. «Абай әлемі» онкүндігінің жоспары құрылып, жауапты тұлғалар бекітілді. Абай Құнанбайұлының 175 жылдық мерейтойына орай «Абай қазақ поэзиясының шыңы» атты эссе байқауы өтті. Эссе байқауын мектептің қазақ тілі мен әдебиет пәнінің мұғалімдері өткізді. Эссе байқауының мақсаты: әрбір оқушы өзінің жазба жұмысында қазақ поэзиясындағы Абайдың рөлі туралы түсіну, білу және мақтан тұту. Аталған онкүндік шеңберінде кітапхана жұмысы жоспарына сай «Абай әлемі» мектеп клубы құрылып, жұмысын атқаруда. Аталған мектеп клубына 2-5 сынып оқушылары қабылданды. Жетекшісі – Хамитова Люция Рифхатовна. 9-сынып оқушыларымен «Хакім Абай даналығы» атты лекциялар бойынша дөңгелек үстел ұйымдастырылып, оқушылар ізденген мағлұматтары бойынша өзара ақпаратпен бөлісті. Мектептің музыка пәнінің мұғалімі Ахмедиева М.Б. бастауымен «Әнді сүйсең, менше сүй» атты 5-8 сынып оқушылары арасында ән байқауы өтті. Мектептің бейнелеу өнері пәнінің мұғалімі Кенжеханов Ж.Б. және технология пәнінің мұғалімдері Бектин С.Г., Бакирова А.Ж. ұйымдастыруымен сурет көрмесі қойылды. Көрме жетекшілері оқушының әрбір жұмысына жеке тоқтала кетіп, суреттің түпкі мағынасын түсіндіріп өтті. «Абай әлемі» атты онкіндіктің соңғы іс-шараларының бірі - мектеп кітапханасында «Абайтану» бұрышын жабдықтау. Башкөл орта мектебінің кітапханасында Абайдың 175 жылдығына «Абайтану бұрышы» ашылды. 

«Әлемнің екінші ұстазы Әбу Насыр Әл-Фараби» әдеби – тарихи сағаты

Башкөл орта мектебінің акт залында ауылдық кітапхана және Башкөл орта мектебінің ұйымдастыруымен «Рухани жаңғыру» бағдарламасы аясында «Әлемнің екінші ұстазы Әбу Насыр Әл - Фараби» атты әдеби – тарихи сағат ұйымдастырылды. Әбу Насыр Әл – Фарабидің 1150 жылдық мерейтойына арналаған іс – шараға мектеп ұстаздары, оқушылары және ауыл жастары қатысты.  

Шараның негізгі мақсаты: орта ғасырдың көрнекті ғалымы атанған әл-Фараби өмірімен танысу. IX-XII ғасырлардағы ғылымның дамуы туралы, қазақ жеріндегі ғалымдардың ғылымның дамуына қосқан үлесі туралы білімдерің кеңейту. Оқушыларды  көрнекті ғалымдардың  ізгі қаситтерін мысалға ала отырып, жаңа білім беруге тәрбиелеу. Әл-Фарабиді ұлы тұлға, данагөй ретінде таныта отырып, әлемдік мәдениетке қосқан үлесін, әртүрлі мәдениеттерді жақындастыруға әсер еткен шығармаларының құндылықтарын бағалау. Оқушыларға өткен уақыттың маңыздылығын көрсете отырып, «Ұлы даланың ұлы тұлғаларын» зерттеуге деген қызығушылықтарын ояту;

Қатысушылардың қызығушылығын ояту мақсатында Әл – Фарабидің суретін көрсете отырып, зерттеу сұрақтары арқылы жалпылама түсінік жасалынды. 

Бұл кісі кім? Неге мұндай құрметке  лайық болды? Неліктен өмірден  өткеннен   кейін мыңдаған жылдар бойы оның есімімен аталған көшелер, мектептер мен университеттер болды?  

Қатысушылардың білімдерін толықтыру мақсатында бейнебаян көрсетіліп, Әл Фараби - шығыстың ұлы ойшылы екені дәлелденді.  Әр түрлі елдердің көптеген ғалымдары, соның ішінде шығыстанушы ғалымдар да геометрияның дамуына айтарлықтай үлес қосты. Солардың бірі - Отырар қаласының тумасы, көрнекті ғалым Әбу Насыр әл-Фараби. Нәтижесінде геометрия өндіріс пен технологияда кеңінен қолданылатын және бірқатар ғылымдардың негізін құрайтын ғылымға айналды. 

Бейнебаяннан: Әл-Фарабидің ескерткіштерін, Түркістан қаласының   тарихи орындарын, Астанадағы Әл-Фараби шағын ауданың, Елорданың жаңа ғимараттарын тамашалады. Сонымен қатар, ортағасырлық ғимараттардың фотосуреттері: кесенелер, мазарлар мен сарайлары көрсетілді.

Кітаптарда жазылған аңыздарға сүйене отырып, Әл – Фараби туралы аңыздардан бастауыш сынып оқушылары тарихи көрініс көрсетті. 

Әл – Фарабидің шығармаларын насихаттау мақсатында 5 – 6 сынып оқушылары өлең жолдарын  жатқа айтып, 7 сынып оқушылары Әл – Фарабидің шығармалары туралы толық мәлімет берді. 

9 сынып оқушылары Әл – Фараибидің әр түрлі сала бойынша еңбектері мен қосқан үлесі туралы жалпы сипаттама берді. Тіл, әдебиет, музыка бойынша күй тыңдалды. Физика, астрономия, химия, ботаника, медицина, жаратылыстану саласы бойынша ғылымға қосқан үлесі туралы көп мағлұмат берілді. 

Математика саласы бойынша есептер шығарылып, тақтада жұмыс жүргізілді. 

Іс   - шара Әл – Фарабидің еңбектерін барлық сала бойынша насихаттау барысында толық мағлұмат берілді. Әл –Фарабидің кітаптарынан кітап көрмесі ұйымдастырылып, насихатталды.